Me zemrën plagë e të tronditur, ndonëse erdhi nata familjarët e vogëlushit Mateo nuk kanë ndërmend të largohen nga sheshi kryesor i Fierit.
Nuk ka gjumë për familjarëte tronditur! Ata vijojnë të ftojnë qytetarët të firmosin për peticionin që kanë nisur ditën e sotme për varjen e Klodian Çalamanit, 38-vjeçari që vrau në mënyrën më të frikshme Mateon. Ngjarje e cila bëri jehonë edhe jashtë vendit.
Familjarët kanë vijuar edhe këtë mbrëmje t’u kërkojnë qytetarëve që të firmosin pro varjes së Çalamanit pasi një njeri i tillë meriton dënimin më të rëndë atë të varjes.
Sakaq theksojmë se peticioni nisi sot, vetëm pak ditë pas krimit makabër ku banorët kanë dëshmuar raste të tjera të rrëmbimit e përdhunimit.
Interesi ka qenë i lartë edhe në qytete te tjera. Nga qytetarët lushnjarë kanë dalë me qindra për të firmosur. Ata shprehen pro dënimit me vdekje për Çalamanin, pasi ngjarjen e konsiderojnë si shumë të dhimbshme.
“Është gjynah nga Zoti, është ta varrim e mundësisht ta çajmë kështu me brisk dhe ta mbushin me kripë. E firmosa peticionin, unë kam qarë për atë fëmijë, është gjynah i Zotit, gjynah” – shprehet një qytetare.
Familjarët thanë se kërkojnë në mënyrë ultimatume varjen e tij, prandaj filluan të mbledhin firmat që të ngrenë një referendum, përmes të cilit do të kërkojnë dënimin me vdekje.
gijotina.com/
Discussion about this post