Adidas më në fund u ka dhënë fund polemikave mes tifozëve dhe dyshimeve të Cristiano Ronaldos për golin e parë të shënuar në sfidën mes Portugalisë dhe Uruguait në Kampionatin Botëror.
Derisa 37-vjeçari kërkonte që goli t’i numërohej atij, FIFA kishte vendosur se ishte i mesfushorit të Manchester United.
Një gjë të tillë tani e ka konfirmuar edhe Adidas, pasi janë dizajnues të topit “Al Rihla”.
Në një deklaratë të Adidas thuhej: “Në ndeshjen midis Portugalisë dhe Uruguait, duke përdorur teknologjinë e topit të lidhur të vendosur në topin e ndeshjes zyrtare të adidas Al Rihla, ne jemi në gjendje të tregojmë përfundimisht nuk kishte asnjë kontakt me topin nga Cristiano Ronaldo për golin e parë në lojë. Sensori IMU 500 Hz brenda topit na lejon të jemi shumë të saktë në analizën tonë”, thuhet në njoftimin e tyre.
Kështu, Ronaldo do të synojë gola në fazën e eliminimit direkt me Portugalinë, pasi tashmë e kanë siguruar atë fazë.
Discussion about this post