Këtë të martë në shumë qytete të vendit u festua Dita e Verës, ku kryefjala ishte ballokumja.
Shumë qytetarë në Tiranë dolën për të shijuar rrezet e diellit dhe për të festuar ardhjen e pranverës në bulevardin Dëshmorët e Kombit.
Një e moshuar u shpreh se nuk mund t’i përgatiste vetë ballokumet, për shkak të rritjes së çmimit të gjalpit dhe pensionit të ulët.
“E para ballokume që marr. Po marr vetëm 1 se nuk kam lekë. Ku t’i gjej lekët, jam pensioniste marrë vetëm 80 mijë lekë në muaj. Ti ia del dot me 80 mije lekë në muaj?!
Bashkë do ta ndajmë me gocën time.
Kemi provuar t’i bëjmë në shtëpi kur kishim gjalpin e lirë. Tani gjalpi ka vajtur shumë i shtrenjtë. 12 mijë lekë ai i miri. Unë punoj furxhesh, di t’i bëjë shumë mirë, por gjalpi është shumë i shtrenjtë.
Kemi dalë për qejfin tonë të hamë një ballokume vetëm se për të tjera s’kemi lekë”, tha një qytetare
Discussion about this post