Një inicident i rëndë është shënuar pasditen e sotme në Kukës. Një sherr jo dosido, ka ndodhur mes drejtorash dhe personash të afërt me kryebashkiakun Safet Gjici.
Diskutimi i nisur mes 4 drejtorëve ka degraduar keq, pasi diçka që ka dhënë Granit Gjana ka nxehur tej mase Vladimir Shpahian. Drejtori i hipotekës në Kukës është çuar nga karrigia e tij dhe ka sulmuar nënkryetarin e Bashkisë, krahun e djathë të Safet Gjicit. Teksa të dy nisën përleshjen, menjëherë për të shuar sherrin ndërhynë shefi i sigurisë në Bashki, Ylber Duraku dhe drejtori i Doganës së Morinës, Alban Trota. .
Të dy ia dalin që të ndajnë sherrin, i cili nuk dihet nëse ka vijuar edhe më tej jashtë ambienteve ku ishin mbledhur për t’u sqaruar. Megjithatë mbetet mister shkaku i përplasjes mes tyre, që mesa duket është i rëndë. Aq sa ka degraduar në përdorimin e grushtit. Përse të jenë përplasur vallë?
