Deputeti i Partisë Demokratike, Kreshnik Çollaku e ka cilësuar si skandal dyshimin e Vuçiç, Ramës dhe Kovaçeskut për të qenë pjesë e samitit të BE dhe Ballkanit Perëndimor.
Sipas deputetit demokrat, ky lloj bojkoti është një ftesë ndaj influencave ruse në Ballkan. Sipas Çollakut, Vuçiç përmes “Ballkanit të Hapur” po nxit një Ballkan nën influencën ruse.
“Bojkoti ndaj ftesave të BE,është “ftesë” ndaj influencave ruse në Ballkan. Është në nivelin e një skandali të paprecedente diskutimi midis Ramës Kovacevskit dhe Vuciç dhe plani apo ideja për të bojkotuar samitin e ftesën e BE në 24-25 qershor për lideret e Ballkanit Perëndimor.
Për Vuciçqe nxit një Ballkan për ballkanasit,një Ballkan nën influencën ruse kjo nuk ka asnjë çudi.
Ndërsa për Ramën dhe Kovaçevskin e Maqedonisë ky refuzim është një devijim skandaloz nga procesi integrimit i vendeve tona.
Me këtë fryme Ballkani i Hapur ,në formatin e të cilit është bërë diskutimi dhe pritet vendimi mbulohet me hijet e një skepticizmi të arsyeshëm. Nëse kjo frymë konsolidohet ,Ballkani Hapur kthehet në një forum që rivalizon në rastin më të mirë dhe saboton në rastin më të keq orientimin pro BE të Ballkanit Perëndimor.
Nese Rama vendos një akt bojkoti të tillë do të ishte akti me i rëndë në politiken tonë të jashtme pas përmbysjes së komunizmit. Integrimi i Shqipërise në BE është e duhet të mbetet prioritet kombëtar.”-shkruan Çollaku.
Discussion about this post