Shkarkohet nga posti i drejtoreshës së Arkivit Qendror Shtetëror të Filmit, Iris Elezi.
Shkak për këtë është bërë punësimi i bashkëshortit të saj, Tomas Logoreci në të njëjtin institucion, ku drejtoreshë është e shoqja.
Bazuar në Kodin e Punës së Republikës së Shqipërisë, ministrja e Kulturës, Elva Margariti ka urdhëruar menjëherë shkarkimin e saj nga detyra, ndërsa në letër rendit të gjitha shkeljet e kryera prej saj.
Elezi ka kryer një sërë shkeljesh duke vepruar në kundërshtim me legjislacionin në fuqi, ndërsa bashkëshorti i saj merrte pagën prej më shumë se një vitit, pasi ishte punësuar në projektin “MEAP”.
Elezi nuk ka pasur marrëdhënie të mira as me vartësit e tjerë pasi në një prej pikave për shkarkimin e saj shkruhet se ka pasur probleme edhe me komunikimin me punonjësit e institucionit.
Pas shkarkimit, vendim i cili u mor ditën e sotme, nuk ka ende asnjë reagim nga vetë Elezi, ndërsa ende nuk dihet se kush do të jetë pasuesi i saj në post.
