Presidenti i Komitetit Organizativ të Lojërave Olimpike ‘Rio 2016’, Carlos Arthur Nuzman është dënuar me 30 vite e 11 muaj burg për korrupsion, organizatë kriminale, riciklim parash dhe evasion fiskal.
Vendimi për ish-presidentin e Komitetit Olimpik Brazilian u dha nga një gjykatë në Rio de Zhaneiro dhe erdhi pas një hetimi ‘Unfair Play’. Nga ky hetim u vërtetua blerja e votave nga ana e organizatorëve të Rios, që Olimpiada të zhvillohej atje.
Të akuzuar përveç Nuzman ishin edhe ish-guvernatori i Rio de Zhainero, Sergio Filhio, biznesmeni Arthur Cesar dhe ish-drejtori i koordinimit të veprimeve olimpike të Rios, Leonard Gryner.
Ndërkohë avokatët e Carlos Arthur Nuzman deklaruan se vendimi nga ana e gjykatës u mor pa pasur prova dhe se do të apelohej./K.T/Gijotina.com
Discussion about this post