Kjo prag fundjave na ka futur zyrtarisht në stinën e dimrit, ku në qarkun e Korçës ka pasur edhe reshje bore.
Gjatë natës në Qarkun e Korçës ka pasur reshje shiu dhe dëbore në zonat malore në lartësitë mbi 900 m.
Në segmentin rrugor të Dardhës nga km i 9 deri tek i 11 ka pasur reshje më të dendura dhe për këtë është dashur ndërhyrja edhe nga mjetet borëpastruese, të cilat kanë bërë te mundur pastrimin e rrugës dhe shpërndarjen e kripës për të eleminuar ngricat. Reshjet kanë filluar prej mëngjesit të sotëm me intesitet të ulët ,ndërsa vende vende janë shoqëruar edhe me erë të fortë. Trashësia e dëborës në këtë zonë varion nga 3 deri në 5 cm.
Ndërkohë, për shkak të motit të keq që ka përfshirë vendin, që pritet të vijojë edhe javën që vjen ka bërë që autoritetet portale në Vlorë të ndalojnë lundrimin e mjeteve të vogla dhe ato te peshkimit për shkak të dallgëzimit të madh në det.
Udhëtimi i këtyre mjeteve do të jetë i ndaluar deri në fund të muajit nëntor, ku pritet që te këtë edhe një përmirësim të kushteve të motit. Nga ky urdhër ndalimi i lundrimit nuk janë prekur anijet e pasagjerëve apo anijet e tjera, të cilat nuk kanë asnjë kufizim.
Discussion about this post