Skandali me mbetjet në Durrës është rikthyer sërish, ku qyteti bregdetar është mbytur nga plehrat për shkak të bllokimit që po i bën landfilli i Sharrës.
Një ditë më parë, Sharra ka bllokuar përsëri pranimin e kamionëve nga Durrësi, ndërkohë që panorama e mbetjeve në të gjithë qytetin është skandaloze.
Kamionët kanë mbetur të ngarkuar dhe kjo situatë ka bërë që kazanët e mbetjeve urbane në Durrës të mbeten pa pastruar.
Një situatë kjo e përsëritur hera-herës, ku në verë qeveria ka mbështetur financiarisht Durrësin për menaxhimin e mbetjeve urbane. Qyteti i Durrësit po shkon drejt një emergjence mjedisore për shkak të refuzimit për hedhjen e mbetjeve në landfillin e Sharrës.
Kujtojmë që gjatë verës, kriza e mbeturinave u bë një problem shqetësues në Durrës ku për ditë me radhë mbeturinat mbuluan pjesë të ndryshme të qytetit. Edhe ditën e djeshme, grumbullimi i madh i mbeturinave u kthye në shqetësim në Elbasan. Muajin e kaluar, kryeministri Edi Rama premtoi në takim me kryebashkiakët e qyteteve bregdetare gjobitje për neglizhimin e qëllimshëm të heqjes dhe grumbullimit të mbeturinave.
Discussion about this post