Një kirurge plastik 75-vjeçar u arrestua nga Policia greke sepse tentoi të merrte certifikatën e vaksinimit pa kryer vaksinën anti-Covid. Mjekja nuk donte të vaksinohej por kërkonte me çdo kusht që të merrte certifikatën, në mënyrë që të zhvillonte operacionet, por donte certifikatën që të hynte në sallën e operacionit.
Ajo së bashku me sekretaren e saj zgjodhën që të shkatërronin dozat, por nuk i kanë shpëtuar dot Policisë. Të dyja kanë përfunduar në pranga dhe akuzohen për veprën penale të vjedhjes së një certifikate, bashkëpunim dhe shkelje të masave për parandalimin e sëmundjeve infektive.
Prej disa javësh, Greqia ka nxjerrë një urdhër që kërkon vaksinimin e plotë të të gjithë stafit mjekësor, në të kundërt do të humbasin vendin e punës. Mesa duket mjekja ka qenë kundër vaksinimit dhe ka zgjedhur që ta “zgjidhë” në një mënyrë tjetër por i ka dalë huq.
