Vizitën e parë si Kryeparlamentare, Lindita Nikolla e ka nisur nga Kosova ku ka takuar homologun e saj, Glauk Konjufca.
Këtë e ka bërë të ditur përmes një statusi në facebok, e cila shkruan se Shqipëria dhe Kosova do të institucionalizojnë në Tiranë një tryezë të përbashkët të kryetarëve të komisioneve parlamentare.
Sipas Nikollës, kjo do të jetë korniza konkrete e bashkëpunimit mes dy parlamenteve.
“Me Kryeparlamentarin Glauk Konjufca në një takim vëllazëror. Vullneti dhe gatishmëria e përbashkët formësohet në një kornizë konkrete bashkëpunimi midis dy parlamenteve tona. Së shpejti institucionalizojmë në Tiranë tryezën e kryetarëve të komisioneve parlamentare” – shkruan Nikolla.
Më tej Kryeparlamentarja ka zhvilluar një takim edhe me kryeministrin e Kosovës, Albin Kurti, e cila ka diskutuar për rritjen e bashkëpunimit për rezultate në rrugëtimin e përbashkët drejt Bashkimit Europian.
