OSHEE po e çon me vetëdije vendin drejtë krizës energjetike, për shkak se shet energji me çmim shumë më të lartë se çmimet e raportuara në bursa. Kjo mund të verifikohet fare lehtë me të dhënat e publikuara nga OSHEE për blerjen e energjisë për periudhën 4- 10 tetor 2021, krahasuar me vlerat e publikuar nga bursa hungareze HUPX.
Në çmimin e tregut të projektuar deri për ditën e nesërme bursa hungareze përcakton një vlerë mesatare jo më shumë se 117.22 euro/MWh, ndërsa çmimet e blerjes së energjisë të pranuara nga OSHEE vijnë në rritje, duke filluar nga 229.25 Euro/MWh orët e para dhe shkon deri në 259.99 Euro/MWh.
Pra, fare qartë duket se Shqipëria po blen energji me çmim 142.77euro/MWh më shumë se bursa. Në të dhënat e publikuara nga OSHEE evidentohet se çmimet e blerjes së energjisë në vendin tonë variojnë kryesisht gjatë ditës me 232.3 Euro/MWh, vazhdojnë me : 2,520.00eur/ MWh gjatë mesditës, por vlera mesatare mbetet 259.99 Euro/MWh.
Madje në raste më të mira, çmimi i energjisë në bursë shitet me 94.91 euro/MWh, ndërsa në tregun tonë vlera më e ulët është 200.55 Euro/MWh. Pra në çdo orar po të krahasohet me bursën, energjia elektrike në Shqipëri blihet me shtrenjtë dhe skandali thellohet kur dokumentet tregojnë se këto vlera do të vazhdojnë deri në 10 tetor.
Nga ana tjetër, bie në sy se çmimi i blerjes së energjisë ne vendin tonë është shumë më i lartë edhe po ta krahasosh me pikun e çmimit në bursë. Sipas të dhënave të publikuara nga bursa hungareze, piku për blerjen energjisë për ditën e sotme ka qenë 219 euro/MWh, ndërsa për datën 5 tetor do të jetë 190.05 euro/ MWh. Ndërsa në Shqipëri çmimi i blerjes së energjisë elektrike në pikun e saj kap vlerat e 260.01 euro/MWh
Kompanitë po abuzojnë
Me sa duket në të gjithë këtë gangrenë ka ndikuar shumë deklarata e kryeministrit Edi Rama, i cili ditën e djeshme tha se vendi ynë është në krizë energjitike dhe kjo do të përkthehet në rritjen e çmimit për blerjen e saj dhe rrjedhimisht në fatura të kripura për qytetarët.
“Që nga Kina, ku mungesa e kapaciteteve energjitike të nevojshme për përballimin e kësaj kërkese, kërcënon afro gjysmën e kapaciteteve industriale të atij vendi, deri në Europë, ku kërkesa e lartë dhe oferta e pamjaftueshme për gaz, ka detyruar qeveritë të përballen me rritje marramendëse çmimesh e të paralajmërojnë, deri edhe politika kufizimesh në furnizimin me energji elektrike”, u shpreh kryeministri.
Nga kjo deklaratë OSHEE ka marrë hov dhe së bashku me kompanitë në tregun e energjisë bëjnë këto skandale duke shitur energjinë me çmime marramendëse. Në kalendarin për blerjen e energjisë të publikuar nga OSHEE evidentohet se kompanitë shesin energjinë në çmime të ndryshme, por gjithësi secila prej tyre në nivele shumë më të larta se bursa.
- GSA SHPK shet energjinë me 229.25 Euro/MWh- 259.25 Euro/MWh
- GEN-I TIRANA shet energjinë me :223.50 Euro/MWh – 248.50 Euro/Mh
- TIRANA INTERNATIONAL DEVELOPMENT shet energjinë me 246.2 Euro/MWh – 255.00 Euro/MWh
- DEVOLL HYDROPOËER SH.A. shet energjinë me 200.55 Euro/MWh : 224.98 Euro/MWh
- ReNRGY Trading Group Sh.p.k, shet energjinë me 256.63 Euro/MWh
- NOA shet energjinë me 232.95 Euro/MWh
- Future Energy Trading and exchange dinamics shet energjinë me 215.99 Euro/MWh,
- KOST-OST shet energjinë me 259.99 Euro/MWh
E.H/ gijotina.com/
