Një rast i fortë dhune është shënuar në qytetin e Elbasanit. Mësohet se një grua me inicialet SH.K 38-vjeçe është dhunuar nga punëdhënësi i saj dhe ka përfunduar në reanimacionin e spitalit Ushtarak për shkak të plagëve të marra.
Denoncuesi për këtë ngjarje të rëndë, ka treguar për mediet se gruaja ka qenë duke punuar si pastruese tek shtëpia e P.C kur ky e ka goditur vazhdimisht dhe ajo ka përfunduar në spital duke marrë dëmtime të rënda në kokë.
Sipas qytetarit që ka bërë denoncimin, P.C është përdorues i rregullt i alkoolit dhe e ka dhunuar pastruesen pasi nuk i ka pëlqyer larja e pishinës.
Sakaq theksojmë se ky rast dëshmon më së miri, sigurinë e punonjës në vend, ku përpos pagave skandaloze ata duhet të përballen edhe me “inatin” e shefave.
Ndërsa, policia përpiqet të manipulojë çdo denoncim transparent të qytetarëve duke u justifikuar, ndërsa në rastin në fjalë nuk ka ende asnjë reagim, ndërkohë që gruaja ndodhet në gjendje të rëndë në spital.
