Ndonëse duhej të ishte një godinë model dhe e sigurtë, qendra Shëndetësore në Peshtan në Bashkinë e Fierit po rrezikon jetën e personelit dhe banorëve që shkojnë aty për të marrë shërbim.
Vetëm 3 kilometër larg qytetit të Fierit, fshati Peshtan i Vogël nuk njeh dritën e investimeve aq më tepër kjo qendër shëndetësore po shihni në foto.
Pamja e kësaj godine është vërtetë e frikshme, pamja që kjo qendër shëndetësore ofron ngjan me atë të mesjetës. Muret e çara, tavanet e shkëputura e dhe lagështira e bëjnë akoma edhe më të rrezikshme këtë qendër shëndetësore.
Infermierja e kësaj qendre shëndetësore, Sude Fejzulla thotë se e ka denoncuar vazhdimisht gjendjen e qendrës shëndetësore, por nuk ka marrë përgjigje nga pushteti vendor. Infermierja e fshatit detyrohet që të shkojë në çdo banesë për kryerjen e gjilpërave apo shërbimeve të tjera ndaj banorëve.
“Po bëhen vite që në momentin që unë punoj këtu, drita dhe ujë nuk ka. Lagështirë në katër anët, gati po shembet. Ça të bjerë nga lart futet brenda, kam hallin se do kalben dokumentat sepse shërbimin shkoj familje më familje.
Sivjet kam fëmijët e vegjël, duhet t’i kontroll të paktën një herë në javë. Duhet të vizithen gratë shtatëzëna, ato që janë me diabet dhe duhet të paraqiten këtu fillimisht. Shikoni gjendjen.
I bëj thirrje që të bëhet një ambulancë e re , të ketë drita e ujë. Asnjë mjekë s’këtu për të punuar.
Kjo ambulacë mbledh këtu 140 familje, janë 600 banorë që banojnë këtu dhe duan shërbimin, por gjendja shikoni si është. Është e vështirë sidomos natën , kur është një pacient , nuk ka drita, punoj me elektrik dore. Populli nuk ka faj se e do shërbimin “- shprehet infermierja Fejzulla.
Kjo qendër i shërben rreth 600 banorëve të fshatit Peshtan të Vogël, por që instancatë përgjegjëse e kanë lënë në një gjendje të tillë prej vitesh.
