Të rinjtë serbë kanë hequr flamujt kuqezi pranë ambasadës shqiptare në Serbi.
Ky skandal është regjistruar mbrëmjen e së dielës ku serbët kanë hequr flamujt shqiptarë të cilët ishin të vendosur në rrugë. Si për të mos mjaftuar kjo skandali vijon edhe më tej, ku ata kanë filmuar veprimin e turpshëm duke e postuar në rrjetet sociale. Në videon e publikuar nga Gijotina.com, duken 3 të rinj të cilët në bashkëpunim me njëri-tjetrin shkulin flamujt nga shtyllat ku ishin vendosur. Në videot e publikuara ka dhe disa mbishkrime të cilat janë kundër Shqipërisë.
Në disa foto të tjera shihet se këta persona kanë shkelur me këmbë flamujt dhe më pas kanë postuar fotot në “Twitter”.
Këto janë veprime të turpshme e të pamatura nga serbët, të cilët nuk i ndalin fyerjet e provokimet ndaj shqiptarëve.
Београд! Па мало је Србија наша! pic.twitter.com/1NuDhEoAjS
— Дамњан Кнежевић (@ustanak1804) October 31, 2021
Deri më tani nuk ka pasur asnjë reagim nga Ambasada e Shqipërisë në Beograd në lidhje me ngjarjen në fjalë.
Ky skandal ndodh në prag të vizitës së kryeministrit Edi Rama në Beograd, ku do të takohet me Zoran Zaev dhe Aleksandar Vuçiç. Kryeministrat e 3 vendeve do të diskutojnë për hapat e radhës për konkretizimin e lëvizjes së lirë të njerëzve dhe mallrave për qytetarët e tyre. Vizita dy ditore do të zhvillohet në datat 3 dhe 4 nëntor.
