Një skandal është mbajtur fshehur nga institucionet shtetërore në vend. Një familje afgane rezulton të jetë e infektuar me Covid-19. Burime konfidenciale Brenda Pediatrisë së QSUT-së bëjnë me dije se stafi mjekësor i spitalit është në panik për shkak se një vajzë 2 vjeçe e shtruar është bartëse e virusit të rrezikshëm. Ajo është shtruar në spital në datën 31 gusht, ndërsa gjatë gjithë kohës pranë saj qëndron i ati. Shqetësues është fakti se prindërit dhe dy fëmijët e tjerë të familjes lëvizin lirshëm në kryeqytet ndonëse kanë rezultuar pozitv. Familjarët nuk kanë nevojë për hospitalizim pasi janë në gjendje të qëndrueshme, por ata mund të përhapin covid te qytetarët e tjerë.
Nuk jepen informacione se kur ka mbërritur kjo familje afgane në Shqipëri, i janë nënshtruar testit dhe a është zbuluar në kohë që janë bartës të virusit të rrezikshëm. Gjithashtu nuk dihet nëse shteti shqiptar i ka siguruar një shtëpi më vete, apo qëndron me familjet e tjera afgane duke iu rrezikuar jetën edhe atyre.
E gjithë kjo situatë rëndon më tepër bilancin e përhapjes së virusit të rrezikshëm, jo vetëm në grupet e familjeve afgane që u strehuan në Shqipëri por te të gjithë qytetarët e tjerë.
