Drejtori i Tatimeve Ceno Klosi është përfshirë disa herë në skandale për pasurinë e fshehur, transaksione të dyshimta dhe fajde, pro asnjëherë nuk ka filluar ndonjë hetim ndaj tij dhe asnjë masë nuk është marrë. Përkundrazi ai vazhdon në krye të Tatimeve , duke shtuar edhe më shumë listën e skandaleve dhe ja sot është publikuar në media një tjetër veprim korruptiv i tij. Në disa dokumente të publikuara nga Neës24 tregohet se, personat e emëruar ne poste të rëndësishme janë në konflikt të pastër interesi dhe dëmtojnë rëndë seriozitetin dhe efikasitetin e institucionit te drejtuar nga Ceno Klosi.
Mikel Lesaj, i emëruar këshilltar i Ceno Klosit ne 28 janar 2022, rezulton te jete ortak ne biznes me vëllain e kreut te tatimeve, Genti Klosi. Behet fjale për një bar restorant ne kodrat e liqenit artificial, i cili sipas dokumenteve te qendrës kombëtare te biznesit ishte ne pronësi të ortakeve Mikel Lesaj dhe Genti Klosi, deri në momentin e emërimit si këshilltar i Ceno Klosit.
Dy muaj pasi mori detyrën ne drejtorin e Tatimeve, Mikel Lesaj u kujdes te fshinte gjurmët dhe aksionet e tij ne biznes ja dhuroi Genti Klosit. Por dhurimi duket se shërben vetëm për letra, pasi ne rrjetet sociale Lesaj vijon të mbështesë e të reklamoje restorantin qe i dhuroi vëllait të shefit të tij. Këto të dhënat tregojnë se, taksat e tatimet e qytetareve shqiptare janë në dorën e një njeriu pa integritet i cili është pasuruar në mënyrë te dyshimte dhe po shfrytëzon çdo mjet për tu pasuruar edhe më tepër me postin që i ka dhënë kryeministri Rama.
Discussion about this post