Kryeministri Edi Rama ka bërë një postim sot në “Facebook”, në lidhje me çantat e krijuara nga marka e njohur Louis Vuitton, me flamurin e Shqipërisë.
Rama e solli këtë çantë si risi, duke e quajtur atë “çanta e re e shtëpisë së madhe të modës”. Por në të vërtet kjo çantë është krijuar 5 vite më parë, në vitin 2018.
Louis Vuitton më 2018 nisi të prodhojë një sërë çantash me flamuj të ndryshëm të vendeve. Ndër to, marka me famë botërore ka prodhuar edhe një çantë me flamurin shqiptar, e cila ka dalë në shitje dhe mund të blihet lehtësisht online që nga viti 2018.
Çanta e shqiponjës kushton plot 10 335 dollarë, përkatësisht 9 900 euro. Nuk dihet nëse Rama sot e ka marrë vesh që Louis Vuitton ka krijuar çantë me motive shqiptare, 5 vite më parë, apo e ka bërë këtë postim për t’u rikujtuar shqiptarëve se marka e njohur ka bërë çante me flamurin kuqezi.
Discussion about this post