Kryedemokrati, Lulzim Basha, ka zhvilluar sot një takim në Dibër me simpatizantët e PD atje. Gjatë fjalës së tij ai foli edhe për skandalin e fundit në vend, atë të publikimit të rrogave. Sipas Bashës, Rama po sundon në mënyrë të paligjshme dhe për këtë i duhet dhënë mësimi, pasi çdo ditë po tregon se ky vend udhëhiqet nga një bandë.
“Ky vend nuk ka qeveri sepse në krye ka një bandë e cila paktin nuk e ka me qytetarët. Ka një njeri të ulur në karrigen e kryeministrit që nuk ka hallin e njerëzve. Nuk qeveriset sepse anembanë vendit, nuk ka shtet. Nuk është një shtet i korruptuar dhe i kapur, por është një shtet i kapur nga të korruptuarit. Një shtet që siç e pamë javët e fundit është rrënuar deri ën tullën e fundit. Zbulimi i të dhënave personale të qytetarëve, na tregoi në disa rrafshe se ku është katandisur Shqipëria nën sundimin e paligjshëm të Edi Ramës dhe një grushti pushtetarësh e oligarkësh, e kriminelësh me të cilën mban paligjshmërisht pushtetin e shqiptarëve”, tha ai.
Sipas Bashës, është masakër fakti që Rama nuk sheh hallet dhe problemet e qytetarëve, nuk sheh se si iu ka ulur kokën qytetarëve me borxhet që po iu shton çdo ditë, por mëndin se si të cenojë privatësinë e tyre dhe t’i mbaj ata nënkontroll.
Discussion about this post