Thuajse një javë pas skandalit të publikimit të pagave të mbi 630 mijë shqiptarëve që punojnë në sektorin publik dhe privat, është ngritur padia e parë ndaj AKSHI-t, qeverisë dhe Ministrisë së Financave.
Mësohet se, dy avokatët Kujtim Cakrani dhe Arjon Besimaj kanë dorëzuar në gjykatë padinë kundër tre institucioneve si të nevojshme për të vendosur drejtësi pas skandalit të publikuar. Avokatët kanë kërkuar shpërblimin e dëmit jopasuror të shkaktuar nga nxjerrja e të dhënave personale të pagave dhe numrave të kartës së identitetit.
“Të nderuar miq! Bashkë me kolegun av. A.B sapo dorëzuam në gjykatë kërkesë padinë kundër Qeverisë Shqiptare, Ministrisë Financave, AKSHI etj, objekti së cilës është;
Shpërblimi dëmit jopasuror si pasoj e nxjerrjen e të dhënave personale, pagat ID. Është një padi ku ndër të tjera çojmë në vend nderin dhe personalitetin tonë si qytetarë në radhë të parë dhe si juristë që kuptojmë çfarë do të thotë të nxjerrësh në publik të dhënat personale”, njofton Cakrani.
Discussion about this post