Kryeministri Edi Rama, në reagimin e tij të parë ndaj publikimit të rrogave e të dhënave personale për mbi 630 mijë qytetarë, ka thënë se kemi të bëjmë me një infiltrim të brendshëm dhe jo me një sulm kibernetik.
“Dëshiroj të sqaroj se këtu kemi me të bëjmë me një ndërhyrje e cila natyrisht duhet hetuar deri në fund për prejardhjen e saj. Analizat paraprake ngjan shumë më tepër se ndërhyrje nga infiltrimi i brendshëm se sa nga infiltrimi i jashtëm nga sulmi kibernetik”, tha Rama.
Kryeministri shtoi se objektivi i tyre është për të forcuar muret mbrojtëse dhe të mbrohen nga sulmet kibernetike në institucionet që janë të ekspozuara ndaj saj. Ai gjithashtu theksoi se përgjegjësit të identifikohen e të vendosen përpara përgjegjësisë.
“Analiza paraprake tregon që një sulm kibernetik është minimal, për të mos thënë zero dhe një ndërhyrje nga brenda në sistem, infiltrimi është shumë i lartë. Përforcimi i mureve mbrojtëse sistematike në këtë rast duhet bërë një hetim i thellë, me ekspertë ë fushës dhe të thërriten e të pyeten e të merren në hetim të gjithë inspektorët që kanë akses në sistem. Ky është sistem i hapur, sistem pune, e nuk mund të shihet ndryshe”, shtoi ai.
Discussion about this post