Kryeministri Edi Rama është pyetur sot gjatë konferencës në lidhje me skandalin e publikimit të pagave. Rama nuk e mohoi që ky ishte një skandal, por nga ana tjetër ka vënë theksin që shumë kompani dhe më së shumti mediet nëndeklarojnë pagat. Ai ka paralajmëruar se shumë shpejt Tatimet do të nisin verifikimet dhe do të vihen para përgjegjësisë ata pronarë mediesh që publikojnë këto skandale dhe nga ana tjetër nëndeklarojnë pagat.
“Natyrisht ekspozimi i të dhënave është i papranueshëm, por nga ana tjetër sot ka një pasqyrë domethënëse në sytë e të gjithë atyre që kanë pasur ta shohin dhe askush nuk do të mund të ma thotë që po sulmojnë askënd, duke filluar nga mediat, pagat tuaja. Kemi kohë që e dimë.
Nuk është një situatë kjo e ngjashme me atë që ka qenë më parë, por është e papranueshme. Askush nuk do të ma thotë dot se po sulmojmë mediat. Duke filluar nga ato kompani që japin paga fiktive të rregullojnë deklarimet. Tatimet do të nisin një letër për të gjithë tatimpaguesit me deklarime mosbesuese, duke iu kërkuar që të vetërregullohen deri në 20 janar, që është data e deklarimeve të reja. Në rast mosrregullimi do të ketë hetim të thelluar për evazion dhe shkon në burg”, deklaroi Rama, duke theksuar se do iu lënë një afat të caktuar bizneseve që të vetërregullohen më pas do aplikohen masat.
Discussion about this post