Pasi Kryeprokurorja e Tiranës, Elisabeta Ymeraj bëri publik përgjegjësit e skandalit të publikimit të pagave të 650 mijë qytetarëve, ka reaguar Dhoma Kombëtare e Përmbaruesve Gjyqësorë Privatë.
Dy personat që blenë dhe përdorën të dhënat e shqiptarëve, janë Endri Ikonomi dhe Klodian Sota. Por në reagimin e Dhomës Kombëtare e Përmbaruesve thuhet se ata nuk janë përmbarues dhe nuk kanë qenë kurrë të tillë.
Në deklaratë thuhet se: – I pari ka krijuar “PRO 3VT” sh.p.k. – Institucion financiar mikrokredie;
– I dyti “SMART COLLECTION” sh.p.k. – Kompani “Mbledhje detyrimesh/kredish të këqija për bankat e nivelit të dytë dhe të trete…”.
Të dyja kompanitë në mashtrim të ligjit dhe qytetarëve, pa asnjë lloj licence për këto aktivitete, janë regjistruar nga Qendra Kombëtare e Biznesit dhe lejuar nga Banka e Shqipërisë.
Akuzojmë publikisht titullarët e këtyre dy institucioneve për lejimin e tyre, ashtu si të dhjetëra të tjerave që ne i kemi denoncuar disa herë si “Baraka Financiare”, të cilat mbledhin borxhe nëpërmjet mashtrimit dhe shantazhit.
Kemi denoncuar pa reshtur fenomenin e bërjes së “përmbarimit” me telefonata dhe shkresa mashtruese, që s’kanë asnjë lidhje me shërbimin përmbarimor shtetëror apo privat, por vetëm me këta blerës të paskrupullt të borxheve të qytetarëve dhe databazave shtetërore.
Discussion about this post