Pas arrestimit të ish-ministrit Lefter Koka për aferën e inceneratorëve LSI-ja ka dorëzuar në SPAK material të tjera shtesë. LSI pretendon se me këto prova faktohet abuzimi që kanë bërë personat e përfshirë në skemë me buxhetin e shtetit për korrupsionit. Për këtë çështje, ka folur ditën e sotme sekretari i Përgjithshëm LSI-së, Endrit Braimllari, i cili u shpreh se Rama duhet të merret nën hetim pasi përgjegjësia është e tij.
“Kjo është një çështje nën hetim që duhet të shkojë deri në fund. Kemi bërë një kallëzim që nuk ka nisur vetëm këto 2 muaj. Është një procedurë ku përfshihen zyrtarë të lartë të shtetit shqiptar. Kryeministri thotë se kjo është një çështje individuale. Me urdhër të Ramës është bërë gjithçka brenda ditës, ndaj duhej marrë në hetim. Rama është kryesori që e drejton këtë skemë. Ai e ka promovuar këtë skemë korruptive”, u shpreh Braimllari, ndërsa paralajmëroi se shumë shpejt do të dalin emra të tjerë.
Discussion about this post