Ministrja për Mbrojtjen e Sipërmarrjes, Edona Bilali, u raportua se ka dhënë dorëheqjen nga detyra. Megjithatë, kjo e fundit e ka mohuar.
Në një letër publikuar nga mediat, që u raportohet se ministrja ia ka drejtuar drejtuar kryeministrit Rama, shkruhet se “arsyet për dorëheqjen janë personale”.
Letra
“Duke falënderuar qeverinë dhe kryeministrin për besimin e dhënë në punën time si ministre në këto ditët e qeverisëse. Ka qenë një eksperiencë, mjaft mbresëlënëse periudha në krye te ministrise. Arsyet janë tërësisht personale. Si një qytetare e përgjegjshme, nuk mund të ja lejoja vetes këtë vendim në një moment tjetër. Gjej rastin që të shpreh mirënjohje e falenderim për Partinë Socialiste dhe kryeministrit për aftësitë e mia duke më bërë pjesë e kësaj mazhorance. Ka qenë nder e privilegi të isha pjesë e këtij kabineti qeveritar.
Kjo vendimmarrje e imja nuk e vë aspak ně besim bindjen time tek ky kabinet qeveritar per seriozitetin që kanë marrë kundrejt shqiptarëve për të përmbushur premtimet e bëra. Më vjen keq nëse kam zhgënjyer ndokënd me këtë vendim por të qenit ministre kërkon angazhim dhe kohë. Eksperienca që pata edhe në fushatën elektorale është mbresëlënëse edhe rezultatit të arritur. Në çdo rast të gjitha angazhimet e mia publike janë mirëkuptuar dhe i falenderoj për këtë”, shkruhet në letrën e publikuar nga “Panorama”.
Vetë Bilali ka mohuar se dhënë dorëheqjen.
“Fake News! Do të vazhdojë punën në ministri për të përmbushur objektivat për vitin 2023″, është shprehur ajo në një reagim në rrjetet sociale.
Edona Bilali ka qenë në qendër të akuzave lidhur me fondet publike të dhëna për “stat-upet”. Në media u zbulua sesi paratë shkonin te persona të lidhur me qeverinë. Lidhur me këtë, ajo u pyet gjatë një konference për mediat ditën e sotme. Ministrja tha ndër të tjera se komisioni që shpall fituesit është krijuar me vendim qeverie dhe ajo s’ka lidhje me këtë pjesë.
“…Komisioni është ngritur me vendim të Këshillit të Ministrave dhe përfaqëson aty individë vijnë nga institucione që janë drejtpërdrejtë të përfshirë në sistem. Për sa i përket konfliktit të pastër apo jo të pastër të interesit ka institucione të cilat e parashikojnë këtë”, tha Bilali, duke e hedhur në një farë mënyrë përgjegjësinë për skandalin, te shefi i qeverisë, Edi Rama.
Discussion about this post