Një situatë e paprecedentë ka ndodhur në Komisionin Hetimor për Inceneratorët ditën e sotme. Pasi përgjegjësit në institucionin e Kryesisë së Kuvendit kanë tentuar të “censurojnë” fjalën kryetares Jorida Tabaku, duke i mbyllur mikrofonin asaj dhe ja lanë hapur kryeministrit Edi Rama, i cili është thirrur për dëshminë e tij.
E revoltuar për këtë ka reaguar menjëherë Tabaku. “I lutem përgjegjësve të sallës, nuk ka asnjë kuptim dhe nuk është normale të më mbyllet mua mikrofoni teksa flas dhe t’i lërë hapur Ramës. Ju lutem këto janë veprime të paprecedenta” , tha ajo.
Rama ka nisur dëshminë e tij me ironi dhe akuza ndaj Tabakut, ndërsa kujtojmë se me të njëjtën gjuhë ka folur dje edhe kryebashkiaku Erion Veliaj.
Discussion about this post