Pas vendimit të Federatës Franceze të Futbollit për të pezulluar me një ndeshje lojtarin e Marseille, Dimitri Payet, pas sherrit me tifozët e Nices kanë ardhur reagime edhe nga palë të treta.
Trajneri i njohur i futbollit Nikolas Anelka i ka dalë në mbrojtje Payet, duke thënë se po të kishte qenë në vendin e lojtarit do i kishte goditur tifozët edhe me këpucë, duke e konsideruar kundërpërgjigjen e Payet si normale.
“Për mua, ky është një reagim normal. Ju jeni një lojtar futbolli, ju godasin me një shishe në kurriz.
Unë jam dakord me Payet në atë pikë. Nëse do të isha në vendin e tij, do të hidhja dy shishe plus këpucët e mia! Unë dua që ne të jemi shembullorë, por as ne nuk duhet të abuzohemi”,- u tha Anelka për “RMC Sport”.
Rikujtojmë se gjatë ndeshjes së Nices me Marseille tifozët vendas sulmuan me shishe Payet dhe në momentin kur ai iu kundërpërgjigj ata mësynë fushën dhe filluan përplasjen me lojtarët, duke detyruar ndërprerjen e takimit./Gijotina.com
