Në listën e 637 mijë qytetarëve që sot iu publikuan të dhënat si rroga dhe ID-ja, renditen edhe emrat e mjaftë personave të njohur. Një ndër ta ishte edhe ish-drejtori i Përgjithshëm i medias ”Top Channel”, Ben Blushi, për të cilin në listë thuhet se merr një pagë të vlerës 240 mijë ero. Në lidhje me këtë çështje ka reaguar vetë ai gjatë një interviste, duke thënë se në të vërtetë paga e tij është 24 herë më e vogël nga sa pretendohet në dokument.
“Nga publikimet e paautorizuara të disa portaleve sot kam mësuar se kam një rrogë që nuk e kam. Në respekt të bashkëpunëtorëve të mi, në kompaninë ku kam punuar deri përpara tre javësh, dua të them se rroga ime është 24 herë më e vogël se ajo që pretendohet se është. Duke e ditur se kurioziteti njerëzor nuk e ndal dot vulgarizimin të kthehet në sport ekstrem, shpresoj që të paktën një herë, ekspozimi i padenjë dhe në rastin tim edhe i pavërtetë, i të dhënave personale të ketë një përgjegjës”, deklaroi ai. Pra, Blushi pretendon se paguhet vetë, 2 mijë e 400 euro.
Discussion about this post