Me anë të një postimi në rrjetin social, nënkryetari i LSI-së, Petrit Vasili, ka reaguar në lidhje me skandalin e radhës me ARRSH-në që do t’u kushtojë 11,4 milionë euro xhepave të qytetarëve shqiptarë në këtë kohë krize. Bëhet fjalë për tenderin e fituar pa garë nga SALILLARI për mirëmbajtjen e akseve kryesore të Rajonit Jugor. Vasili i bën thirrje Prokurorisë së Posaçme, SPAK që të veprojë për një “badërdi dhe vjedhje ditën për diell me paratë e shqiptareve”.
“Ne do t’i drejtohemi SPAK-ut dhe do përdorim çdo mekanizëm parlamentar dhe politik që këto skandale kaq të rënda të dënohen dhe të marrin fund këto vjedhje gjigande të mundit e djersës së shqiptarëve”, shkruan Vasili. Badërdi dhe vjedhje ditën për diell me paratë e shqiptarëve, SPAK vepro! Nuk ka të ndalur grabitja e tërbuar e taksave të shqiptarëve nga qeveria dhe klientët e saj. Tenderi i mirëmbajtjes se rrugëve të jugut jepet me 99.99% të çmimit. Vjedhje me shumë se kaq hapur nuk ka se ku të vejë. Se në çfarë derexheje është niveli i rrugëve dhe mirëmbajtja e tyre të gjithë e shohin perdite. Qeveria, që nuk jep asnjë lek kompesim për çmimin e naftës, apo vajit dhe bukës për qytetarët, i dhuron klientëve të saj tendera me 99.99% të çmimit dhe dhjetëra milion euro. Por si të mos mjaftojë kjo miliarda lekë vazhdon të grabisë qeveria përmes klientëve të saj të përhershëm”, shkruan Vasili.
Discussion about this post