Ministri i Brendshëm, Bledi Çuçi ka punësuar si këshilltar të tij pikërisht një person të akuzuar si garant i kultivimit dhe trafikut të hashashit. Në fillim të prillit të 2017-ës, policia ndërmori një aksion antidrogë në fshatin Pagri të Përmetit, ku në një banesë gjeti 12 tonë hashash. Pjesa më e madhe e drogës ishte në proces tharjeje, ndërsa pjesa tjetër ishte e paketuar dhe gati për transport.
Grupi hetimor në atë kohë ngriti një pyetje, se si u kultivuan bimët për të prodhuar 12 tonë hashash pa u vënë re nga policia? Nga kjo pyetje nisi hetimi disiplinor ndaj drejtorit të policisë së Qarkut Gjirokastër në atë kohë, Aranit Arapi.
Por edhe pse hetimet po vazhdojnë ndaj Arapit, ministri i Brendshëm, Bledi Çuçi e ka marrë si këshilltar në Ministrinë e Brendshme. Aranit Arapit u denoncua edhe nga opozita për përfshirje dhe nxitje të kultivimit të lëndëve narkotike në zonën e Tepelenës dhe Gjirokastrës. Megjithatë, në fushatën zgjedhore për 25 prillin, Bledi Çuçi e rehabilitoi si këshilltar personal në qarkun ku kandidonte vetë për deputet.
Punësimi si këshilltar mbërrinte në një kohë që PD akuzonte Arapin si garant i plantacioneve të hashashit që u mboll në zonën e Tepelenës dhe Gjirokastrës në 2016-ën. Para fushatës për zgjedhjet parlamentare të 25 prillit lidhja mes Bledi Çuçit, në atë kohë ministër i Brendshëm dhe Aranit Arapit u denoncua si fije që lidhte pushtetin me trafikun e drogës.
Lidhja mes ministri i Brendshëm, Çuçi dhe Arapi është më e hershme, pasi ajo daton që nga viti 2017 kur Çuçi kandidonte për deputet në Gjirokastër. Aranit Arapi, në atë kohë drejtonte policinë e Gjirokastrës dhe u akuzua se kishte ndikuar në manipulimin e procesit zgjedhor për PS.
Për kultivimin e lëndëve narkotike në fshatin Kalivaç të Tepelenës, Aranit Arapi dyshohet se ka shfrytëzuar pozicionin e tij duke bashkëpunuar me Andrea Çaushin, kushëri i ish-ministrit të Brendshëm Saimir Tahiri, duke sabotuar kontrollet në këtë zonë dhe parcelat e mbjella me hashash në 2015 dhe 2016.
Ai gjithashtu si zyrtar i lartë i policisë në Qarkun e Gjirokastrës, nga hetimet e dosjes së 12 tonëve hashash në Pagri të Përmetit kanë lindur dyshimet se Aranit Arapi është emri që ka dalë si garant në transportin e kësaj droge drejt Vlorës, ku më pas trafikohej për në Itali nga grupi i Habilajve.
Discussion about this post