Emrat e shpallur sot në listën e Komisionit të Përkohshëm të Rithemelimit për zgjedhjet lokale në 6 bashki sipas Partisë Demokratike nuk kanë asnjë lidhje me këtë parti.
Në një reagim në rrjetin social facebook PD shkruan se Berisha mund të përdorë çdo njeri për hallin e “non gratës” së tij, por as ai, dhe as ata nuk kanë më asnjë lidhje me Partinë Demokratike.
“Partia Demokratike njofton gjithë simpatizantët dhe votuesit e saj se emrat e shpallur sot nga grupimi i Sali Non-Grates, nuk janë kandidatë të PD. Me farsën e radhës, Berisha po përpiqet të dëmtojë PD për interesat e tij personale. Berisha mund të përdorë çdo njeri për hallin e non gratës së tij, por as ai, dhe as ata nuk kanë më asnjë lidhje me Partinë Demokratike. Ky është përdorimi dhe mashtrimi i radhës që Sali Berisha u bën edhe atyre pak demokratëve që nuk e kanë kuptuar akoma hallin e tij.” shkruan Partia Demokratike.
Sot demokratët e Komisionit të Përkohshëm të Rithemelimit të Partisë Demokratike kanë përpiluar listën e kandidatëve që do të garojnë në votimet për Primare në gjashtë degët e partisë ku do të mbahen zgjedhjet e pjesshme lokale.
Discussion about this post