SPAK ka nisur hetimet për disa Call -Centera në Shqipëri, për shkak se dyshohet që prej vitesh aplikojnë një skemë e mirëfilltë mashtrimi. Konkretisht, bëhet fjalë për platforma online që ofrojnë investime në bursë, por në të vërtetë janë të organizuara për të mashtruar shtetas të bashkimit europian dhe përfituar shuma marramendwse.
Ndërtkohë, bëhet me dije se dyshimet e para mbi këto kompani e kanë hedhur autoritete gjermane, të cilat kanë publikuar një letër porosi, ku evidentohen aktivitetet e jashtëligjshme të disa kompanive call- center që operonin në kryeqytet dhe që mashtronin qytetarë gjermanë, duke i marr vlera monetare me pretendimin e investimit në kriptomonedhë.
Sipas letërporosisë rezulton se një shtetase gjemane, nga nëntori 2020 deri në janar 2021 ka transferuar shumën totale prej 9,700,00 euro, por kjo vlerë nuk iu kthye asnjëherë, as në kriptomonedhë. Në letërporosi autoritetet e huaja i kanë lënë detyrë homologëve shqiptarë të gjejnë vendodhjen e këtyre call- centerve nëpërmjet adresës së IP së internetit.
Pas marrjes së këtij informacioni është urdhëruar kontrolli i disa ambienteve, ku dyshohet se kryet ky aktivitet por ende nuk ka rezultate konkrete. Sakaq, bëhet me dije se hetuesit i kanë kërkuar informacion bankave të nivelit të dytë për llogaritë dhe transaksionet e bizneseve të skeduara, përfshirë tatimeve, drejtorisë kundër pastrimit të parave kompanive telefonike për thirrjet e kryera ndaj numrave të huaj gjerman, holandez, italian dhe Francës. Dyshimet janë se mbi 1 mije shtetas të huaj janë mashtruar, ndërsa vlerat e vjedhura shkojnë deri qindra mijëra euro investime në bursën e rremë për 1 person. Vlera totale e mashtrimeve thonë burimet nga grupi hetimit mund të shkojë në miliona euro.
Në këtë kuadër, krahas SPAK edhe prokuroria e Tiranës po heton mbi një skemë të gjerë mashtrimi me anë të call -centerave apo siç njihen ndryshe forex apo bursa onlinë. Nuk përjashtohet mundësia që në vijim dosjet të bashkohen në një të vetme.
