Është mbyllur përballja e javës së 14-të në Superligën Shqiptare mes Skënderbeut dhe Kastriotit.
Të dyja skuadrat erdhën në këtë takim me motivin e vetëm fitoren për tu larguar nga zona e kuqe e renditjes por fundi i saj e gjeti Skënderbeun të triumfonte me rezultatin 2-1.
Korçarët ishin të parët që kaluan në avantazh me golin e Mensah, i cili shfrytëzon më së miri një krosim nga e djathta, duke tundur rrjetën e miqve në minutën e 11’.
Skënderbeu i trajnerit Ndreu do të kundërpërgjigjej në minutën e 40’ me golin e Grecës që riktheu barazpeshën në fushë, për ta mbyllur pjesën e parë me rezultatin 1-1.
Pjesa e dytë do të fillonte mes tensionesh, ku nuk shpëtuan pa u ndëshkuar me karton të verdhë lojtarët Bajrami dhe Greca.
Minuta e 68’ do ta gjente Skënderbeun në avantazh, ku pas një aksioni të gjatë Pusi dhuron asist për Meksin që e shndëron në gol, për të marrë kontrollin e sfidës që shkon në shifrat 2-1.
Skënderbeu tentoi të rikthejë barazpeshën në fushë, me një kundërsulm të shpejtë, por gjithçka u ndal nga portieri Rexhepi.
Në përfundim të kësaj sfide, Skënderbeu arrin të ‘rrembejë’ tre pikë të arta në shtëpi, duke u pozicionuar në vendin e tetë të renditjes së përgjithshme me 14 pikë, ndërsa Kastrioti në vendin e fundit me vetëm tetë pikë.
Discussion about this post