Feston Skënderbeu në stadiumin e Rrogozhinës. Skuadra korçare rigjeti tri pikët në Superiore pas tri humbjeve radhazi, duke mposhtur 1-2 Erzenin.
Kundërshtar që ishte në formë dhe vinte me moral të lartë pas sukseseve me Dinamo Cityn dhe Tiranën.
Një penallti zhbllokoi takimin në minutën e 22’, që u kthye në gol nga Dean Liço. Bardhekuqtë e Ivan Gvozdenovic fituan një tjetër penallti tri minuta më vonë.
Sërish Liço, goditja e të cilit u ndal në shtyllë. Kryesori Beqiri vendosi përsëritjen e penalltisë.
Me portierin Klevis Hasanbelli që priti goditjen e Liços. Skuadra nga Shijaku tentoi golin e barazimit, por miqtë realizuan të dytin në minutën e 70’.
Goditje këndi për Skënderbeun, kërcim i bukur me kokë i Klevis Shaqes në shtyllën e parë, dhe 0-2.
Erzeni nuk u dorëzua, por traversa i mohoi golin kroatit Amir Kahrimanovic, i cili shënoi nga pika e bardhë e penalltisë në minutën e shtatë shtesë.
Në fund pati festë korçare, me Skënderbeun që siguroi tri pikë tepër të rëndësishme. Duke u ngjitur në kuotën e 9 pikëve, njëkohësisht duke parakaluar në renditje rivalët e Erzenit (8).
Discussion about this post