‘Skifterët’ vjedhin kapakët e pusetave në Bulqizë

Mungesa e kapakëve të pusetave të ujërave të zeza në Pedonalen e Bulqizës vijon të mbetet një fenomen shqetësues për banorët.

Ata thonë se persona të ndryshëm i vjedhin kapakët gjatë natës e më pas i shesin në pika grumbullimi të hekurit.

Të shqetësuar për situatën, banorët kërkojnë ndërhyrje nga ana e autoriteteve, pasi fëmijëve mund t’iu rrezikohet jeta nëse rrëzohen brenda në puseta.

Si rrjedhojë e kësaj problematike, në qytetin e Bulqizës janë shpeshtuar dhe përmbytjet gjatë ditëve me reshje shiu, pasi të gjitha pusetat bllokohen. /TCH