“Telenovela Mbappé” i ka ditët e numëruara, fundi është afër. Pas thashethemeve dhe lajmeve të panumërta, e ardhmja e yllit francez duket e zgjidhur. Në fakt, ‘SkySports’ ka avancuar përfundimin e gjithë kësaj historie, informacion që ka zënë në befasi dhe prsidentin e Real Madridit, Florentino Pérez.
Kylian Mbappé, edhe një verë tjetër, ka qenë protagonisti i qartë i merkatos së transferimeve. Që nga qershori i kaluar, kur doli në dritë letra e famshme që sulmuesi i dërgoi PSG-së, kanë dalë të gjitha llojet e informacioneve në lidhje me këtë.
Për një moment, largimi i Mbappe-s u mor si i mirëqenë, dukej i pamundur qetësimi i situatës që po përjetohej në Paris. Kujtojmë se futbollisti u përjashtua nga turi aziatik edhe u largua nga skuadra.
Mirëpo, javët e fundit duket se diçka ka ndryshuar në marrëdhëniet mes Mbappe dhe Al Khelaifit. Sulmuesi francez u rikthye në dinamikën e grupit dhe zhvilloi ndeshjen e parë këtë sezon, fakt që ndezi këmbanat e alarmit te tifozët e Real Madridit.
Që nga ky moment, ardhja e mundshme e Mbappe-së te Real Madrid është më e largët, edhe pse gjithmonë ka një fije të vogël shprese. Sigurisht që ‘SkySports’ ka qenë përgjegjës për hedhjen në erë të telenovelës.
Në këtë mënyrë mediat britanike kanë qenë shumë të qarta për këtë: “Ka diskutime mes PSG-së dhe Kylian Mbappé për një zgjatje të kontratës. Lojtari do të qëndrojë në Paris këtë sezon dhe nuk do të lirohet verën e ardhshme.
Dy opsione janë të mundshme: një zgjatje deri në vitin 2025 ose një zgjatje më afatgjatë. Informacion që ka tronditur madridistët dhe që ka habitur Florentino Pérez.
Sipas këtyre informacioneve, Mbappé jo vetëm që nuk do të vijë këtë verë, por po mendohet edhe një zgjatje përtej 2025-ës, lajm që do të ishte një goditje shumë e rëndë për Real Madridin.
Por realiteti i vetëm është se Mbappé nuk ka rinovuar ende dhe Florentino është i qetë për këtë. Në Chamartín ata besojnë se sulmuesi nuk do të bjerë nën presion dhe të përmbushë vitin e tij të kontratës.
Discussion about this post