Kryeministri Edi Rama ka pretenduar në Kongresin e Partisë Socialiste se nuk ka pasur dijeni për “punët e pista” të zyrtarëve të lartë të PS të cilët kanë apo kanë pasur probleme me drejtësinë.
Ai u shpreh se nuk ka qënë në dijeni për ato që kanë ndodhur.
“Të gjatin se beson njeri kur thotë ‘ma bënë prapa krahëve’ se duket si hajvan 2 metra që i kaloi këtu. Po mos u çudisni të më shikoni mua te SPAK-u me ndonjë prej veshi me këta që duan të mbrojë unë”, tha Rama.
Kreu i qeverisë deklaroi se Partia Socialiste dhe ai vetë s’do mbrojë askënd që ka probleme me ligjin.
“E thonë që ‘ky i gjati të lëshon, si mbron njerëzit e vet’. Unë s’lëshoj askënd në këtë familje që bëhet shënjestër për punët e përbashkëta. I vë gjoksin, fytyrën, zërin në dispozicion dhe i dal unë përpara baltës që hidhet drejt kujtdo që është pjesëtar në këtë familje kur është fjala për punë që i kërkon detyra e gjithsecilit. Por unë s’mbroj asnjërin që besimin e marrë nga zgjedhësit, partia dhe unë vetë e përdor për ti ngrënë pas shpine zgjedhësit, edhe partinë politike edhe mua vetë. Borxhin s’ja kam askujt, por vetëm kësaj familjeje politike dhe këtij populli. Atyre që se kanë marrë vesh akoma që në botën tjetër s’punojnë kartat e kreditit, as parajsat fiskale s’sigurojnë në llogari, në Sharrë përgatituni të shkoni siç vija unë kur shkoja në plazh se asgjë s’ju dallon nga ata atje. Dhe kostumet lërjani djemve se me burrat e kanë. Mua s’më kanë zgjedhur për të mbrojtur nga drejtësia në emër të PS. Kush bëhet për avokat le të shkojë të gjejë avokatë”, tha Rama.
Discussion about this post