Socialistët kanë luksin të të shajnë dhe të ndjehen krenarë…

Deputetët socialistë kanë luksin që jo vetëm të ofendojnë deputetët e opozitës dhe të mos ndëshkohen, por të shprehen edhe krenarë për veprat e tyre.

Nëse kjo gjuhë do të përdorej nga deputetët e opozitës, Nikolla nuk do të hezitonte të merrte masën e përjashtimit nga seanca. Shembuj te tillë janë të shumtë, ku të ndëshkuarit i përkasin vetëm opozitës.

Gjatë ditës së sotme, u shënuan dy raste kur deputetët soicialistë u shprehën me një gjuhë ofenduese ndaj kolegëve të tyre të opozitës.

E para ishte deputetja Ermonela Felaj, e cila e quajt palaço Gazmend Bardhin, pasi ky i tha që emri i saj ishte në dosjen e SPAK-ut për Arben Ahmetajn, fakt ky që u bë i ditur edhe nga vetë Prokuroria e Posaçme.

Por, deputetja Ermonela Felaj, e cila përdori një gjuhë fyese gjatë përplasjes me Gazment Bardhin, jo vetëm nuk shfaqi asnjë shenjë pendese, por tha se nuk i vinte aspak keq për tonin dhe fjalët e zgjedhura, pasi personat përballë saj e meritonin.

“Unë do ta marr fjalën si replikë, për të gjithë ata që guxojnë të përdorin mandatin e deputetit për të nxjerrë frustrimin e tyre. Unë jam Ermonela Felaj dhe askush nuk mund të më bëjë moral mua për fjalët e mija.

Paraardhësi që foli këtu është një kopjac dhe këtë e dinë të gjithë. Sot nuk më vjen keq për fjalët e përdorura, se i meritojnë një për një të gjitha ato cilësime që unë shpreha më parë”, u shpreh Felaj.

Rasti i dytë ishte ai i deputetit socialist, Erion Brace, lëshoi gojën në drejtim të deputetit Gazmend Bardhi, duke i thënë: “Mos na çaj trapin”.