Sociologu Gëzim Tushe tha në një intervistë për Euronews Albania se shkolla nuk po jep më edukim.
Sipas tij ky institucion ka filluar të zhvishet nga funksionet humane dhe edukative duke u bazuar kështu vetëm në procesin edukativ, megjithëse dhe ky i fundit ka probleme të shumta.
“Kjo ka bërë që herë pas here komunikimi midis mësuesve dhe nxënësve të jetë jo ndikues dhe prandaj shpesh herë adoleshentët i urrejnë mësuesit, nuk i pranojnë ata. Jo se nuk i duan, por sepse mësuesit vet nuk e kanë mundësinë dhe kapacitetin e duhur për të ndikuar në formimin e tyre edukativ,” – u shpreh Tushe.
Komenti erdhi nisur dhe nga një video e publikuar fillimisht nga vajza e ministrit, Niko Peleshi, Aleksia e cila u bë virale në rrjetet sociale. Bëhet fjalë për një grup vajzash në shkollën “Kongresi i Manastirit”, të cilat barbarisht dhunojnë bashkëmoshataren e tyre.
Discussion about this post