Ole Gunnar Solskajer paralajmëroi heronjtë e tij të ‘Euro 2020’ se do të humbasin fillimin e ‘Premier League’ nëse nuk janë të gatshëm javën e ardhshme.
Yjet e Anglisë Harry Maguire, Marcus Rashford, Luke Shaw dhe afrimi i ri prej 73 milionë paund Jadon Sancho të gjithë do të kthehen në Carrington të hënën raporton ‘The Sun’.
Dyshja e mesfushës Paul Pogba dhe Fred janë planifikuar gjithashtu të kthehen në një kohë të ngjashme pas pushimeve verore.
Trajneri i Manchester United tha: “Me djemtë që nuk janë kthyer ende, nuk e di se në çfarë gjendjeje janë. Të gjithë duhet të paraqiten të hënën, ata kanë kohë dy javë deri në ndeshjen e parë të Premier League dhe kjo do të thotë se janë tre javë nga ndeshja e tyre e fundit atë të finales së Anginë. Pra, ne do të shohim se si janë, në çfarë niveli fitnesi janë, sepse varet edhe nga ajo që ata kanë bërë gjatë pushimeve. Unë nuk mund t’i hedh në lojë nëse nuk janë në gjendjen e duhur’./Gijotina.com
