Manchester United luan derbin ndaj Sitit të shtunën ku do të kërkojnë fitoren e radhës në kampionat. Trajneri Solskjaer ka theksuar se në kampin e skuadrës që ai drejton kanë besim se do të fitojnë ndaj rivalëve të përjetshëm teksa u ndal më pas edhe tek zërat e largimit nga Manchesteri për të cilën ai theksoi se nuk e shqetësojnë aspak.
“Që nga momenti që kam ardhur te Manchester United në 2018-ën, gjatë këtyre tre viteve është spekuluar shumë për pozicionin tim. Por për mua kjo nuk është një problem. Pas disfatës ndaj Liverpool kemi ndërruar faqe. Ajo humbje ka qenë nga më turpërueset në karrierë për të gjithë ne. Por kemi patur dy javë pozitive. E dija që në fillim që nuk më priste një rrugë e lehtë pasi të drejtosh Manchester United është gjithmonë shumë e vështirë.
Derbi? Kam një respekt të madh për Pep Guardiolën dhe për atë çfarë ka arritur në karrierë. Në të shkuarën ndaj Man.City kemi bërë ndeshje të mira dhe kemi arritur rezultate pozitive. Duhet një tjetër paraqitje si në sfidat e fundit për të marrë rezultat ndaj tyre. Ndonjëherë duhet të kesh edhe fatin me vete. Duhet të vuajmë shumë por të besojmë te suksesi pasi luajmë në shtëpinë tonë dhe vimë nga dy rezultate pozitive” deklaroi Solskjaer.
Discussion about this post