Me Yann Sommer, që nuk arriti të japë garanci në portën e Bayern Munich dhe “legjendën”, Manuel Neuer në prag të daljes në “pension”, “bavarezët” tashmë janë në kërkim të një tjetër portieri, i cili mund ta mbrojë denjësisht kuadratin e kampionëve të Gjermanisë.
Sipas raportimeve më të fundit, nga gazetari i mirënjohur, Fabrizio Romano, duket se Bayern e ka gjetur një profil të tillë lojtari, me gjeorgjianin e Valencias, Giorgi Mamardashvili, i cili është në “radarët” gjermanë.
Gardiani 22-vjeçar i spanjollëve ka arritur të impresionojë goxha bordin e gjermanëve me performancat e tij sezonin e shkuar, teksa ishte gjithashtu dhe një ndër protagonistët e arritjes së Kombëtares së tij, në çerek-finalet e Kampionatit Evropian për të rinj.
Discussion about this post