Artistja Shpresa Beka ka kërkuar hetim të mënyrës së ndarjes së roleve në Teatrin Kombëtar të Operas dhe Baletit e për rrjedhojë kërkon hetimin e Zana Çela me detyrë drejtoreshë e përgjithshme si dhe Abigeila Voshtina drejtore artistike në këtë institucion.
Solistja Shpresa Beka ka ngritur këtë padi, pasi pretendon se i është dëmtuar karriera dhe nuk është vlerësuar taleënti i saj e as kurrikulumi që ajo si artiste ka, me këtë argument sopranoja e njohur ka depozituar ankimimin e saj në prokurorinë e Tiranës.
Ajo kërkon hetimin e të paditurave për shpërdorimit të detyrës. Sipas artistes, Zana Çela drejtoreshë e përgjithshme si dhe Abigeila Voshtina drejtore artistike, promovojnë artistë të tjerë duke lënë në hije talentin e saj me role minimale për kanto, të cilat i është dashur t’i refuzojë.
“Nuk mund t më ofendojnë duke më caktuar një pjesë tralale përkrah sopranos tjetër”- denoncon artistja sepse kjo është pjesë për një soliste më të ulët sesa kategoria ime argumentohet më tej në kallzim. Si prova sopranoja e shumë njohur ka radhitur komunikimet elektronike dhe kërkesat për të marrë rolin e merituar bazuar në përvojë e saj shumë vjecare.
Ndërkohë që akuza thotë jo zyrtarisht se pas shikimit të fakteve që i janë vënë në dispozicion, do të kërkojë ekspertizë për të kuptuar mënyrën e ndarjes së roleve në Teatrin Kombëtar të Operas dhe Baletit.
Discussion about this post