Ambasadori i BE, Luigi Soreca ka takuar 23-vjeçarin shqiptar Dean Çelaj i cili gjatë pandemisë krijoi platformën arsimore online Akademi.al e cila u përdor nga studentë dhe mësues gjatë karantinës dhe më tej.
Soreca shkruan se platforma arsimore e shqiptarit është një shembull i të menduarit të zgjuar. Ata diskutuan se si BE mund ta mbështesë Çelajn në të ardhmen pasi për Sorecën ai është një nga europianët që bën diferencën.
Statusi i Luigi Soreca:
Deani mishëron në mënyrë të përsosur profilin e të rinjve. I ndritshëm, inovativ dhe i përkushtuar për të punuar për komunitetin e tij. Platforma e tij arsimore multimediale është një shembull i të menduarit zgjuar. Ne diskutuam se si BE mund ta mbështesë atë në hapat e ardhshëm. Deani është një europianët që bën diferencën.
