Kjo e diel rezervon tri përballjet e para për javën e 17-të në Superiore.
Në orën 13:30, Egnatia pret në shtëpi Skënderbeun, në një përballje ku të dyja ekipet do të kërkojnë fitoren.
Paralelisht do të luhet një tjetër ndeshje delikate, siç është ajo mes Laçit dhe Dinamos.
Në orën 16:30, do të zhvillohet sfida e fundit për këtë të diel, por jo nga rëndësia, pasi pritet një ndeshje tepër interesante mes Elbasanit dhe Vllaznisë, sfidë që do të zhvillohet në Shkodër.
Bruno Lulaj nuk do të jetë i gatshëm për trajnerin Gvozdenoviç këtë fundjavë kundër Vllaznisë.
Kapiteni i verdhebluve u ndëshkua me karton të verdhë kundër Bylisit dhe plotësoi kështu numrin e tyre, për t’u pezulluar një ndeshje.
Kjo është hera e dytë për Lulajn në këtë sezon, që plotëson numrin e kartonëve në Superiore. Lulaj është nga titullarët që luan të plota minutat.
Trajneri i sapo emëruar serb, Ivan Gvozdenoviç, deklaroi se e njeh mirë skuadrën korçare, ndërsa është në prag të ndeshjes me Vllazninë.
“E njoh shumë mirë. Dy-tre herë jemi ndeshur në miqësore, pastaj dhe në kampionat. Në ndeshjen e parë 1 me 1 në Korçë, këtu 0-0. E njoh skuadrën, është e mirë dhe ka cilësi. Elbasani është në vendin e pestë, ka 21 pikë. Nuk mund të them është situatë e keqe, është normal, por patjetër do provojmë të bëjmë pak më mirë, kemi tri javë. Tri ndeshje jashtë, do punojmë, do bëjmë maksimumin.
Elbasani është klub i mirë, i madh, me tifozë dhe tradita, me emër. E di që kanë dëshirë të kapin “Final Four”, është e drejtë. Jam këtu vetëm një ditë, nuk mund të them e sigurt që do kapim “Final Four”. Nuk është e pranueshme, nuk është normale. Do bëjmë maksimumin, do luftojmë për objektivin e klubit, e kapim apo jo objektivin do flasim në maj kur të mbarojë kampionati. Kam besim te skuadra, jam shumë pozitivë, por do flasim javë për javë bashkë dhe do shohim si do dalim”, u shpreh Gvozdenoviç.
Discussion about this post