Nxënësit e klasave të nënta do t’u nënshtrohen sot provimeve të lirimit, duke u testuar sot për njohuritë në Gjuhë Shqipe. Ndryshe nga një vit më parë, kur testimet u hoqën nga kalendari për shkak të pandemisë së koronavirusit, këtë vit shkollor, mini-maturantët por kryejnë provimin e tyre të parë.
Më pas, ata do t’i nënshtrohen testit të matematikës në datën 21 qershor, për ta mbyllur me gjuhën e huaj në datën 25 qershor.
Për ata që rezultojnë mbetës, të vitit shkollor apo edhe në njërin nga provimet finale, do të ketë një sesion të dytë, i cili zakonisht mbahet në fund të muajit gusht. Provimet do të nisin në orën 10:00 dhe zgjasin për dy orë e 30 minuta.
