Nga Elbasani ish-kryeministri Sali Berisha iu ka treguar demokratëve se çfarë do të ndodh pasi të përfundojë gara për kreun e PD. Ai tha se, fokusi kryesor është që demokratët të punojnë edhe më shumë për të fituar besimin e qytetarëve. Sipas tij, mënyra më e mirë për të arritur këtë dhe për të përmirësuar vendin është ecja në bazë të ligjit.
“Pas përfundimit të kësaj procedure, ajo që unë kërkoj nga çdo demokrat është punë, punë dhe punë. Të fitojmë mendjet dhe zemrat e qytetarëve, të organizohemi në mënyrën më serioze. Mekanizmat janë të sigurta të suksesit të ardhshëm. Unë ju them ju nga eksperienca ime e gjatë, se kushti i të gjitha kushteve për të lëvizur këtë shoqëri në drejtimin e duhur është zbatimi i ligjit. Vendosja e qytetarëve si të barabartë para ligjit”, tha ai.
Ndër të tjera ai tregoi se tregoi se ditën e stome i ka kërkuar në mënyrë miqësore dhe të drejtë Ramës, që të heqë parashkrimin për përcaktimin e kryeministrit. “Ky establishment bën gjithçka për të burgosur për të persekutuar demokratët. Unë nuk them se nuk ka patur mëkatarë nga demokratët, nuk them se nuk ka patur korrupsion, por ne ishim njerëz që qëndronim ndër ligjin. Ndaj edhe unë i propozova Edi Ramës eja të firmosim një ligj në parlament që ta heqim parashkrimin për përcaktimin e kryeministrit. Si burri burrit, e kërkova”, deklaroi Berisha.
Discussion about this post