Sot Kuvendi do të mblidhet në seancë plenare. Opozita nga ana e saj ka paralajmëruar se do të bllokojë sërish këtë seancë.
Opozita do të tentojë të bllokojë punimet në shenjë kundërshtie për mospërmbushjen e 3 kërkesave të tyre për ngritjen e komisioneve hetimore.
Kuvendi është parashikuar që të nisë në orën 10:00, në një seancë maratonë ku do të diskutohet dhe miratohet buxheti i vitit 2024, ndërkohë që opozita e ka kundërshtuar këtë buxhet.
PS ka bërë me dije se buxheti mund të kalojë edhe pa debat parlamentar. Në rast se opozita vendos të ngujohet në sallën e Parlamentit, ekziston mundësia që seanca të zhvendoset në ambientet e Kryesisë së Kuvendit.
Ish-kryeministri Sali Berisha ka thënë se seanca plenare e ditës së sotme në parlament pritet të jetë e rrethuar nga forcat speciale, me urdhër të kryeministrit Edi Rama.
Berisha është shprehur se “Edi Rama është i tmerruar nga mosbindja civile e deputetëve të opozitës”, e sipas tij ai ka ai ka urdhërua forcat speciale të Gardës, Policisë, RENEA-n që të shtypin revoltën e deputetëve të opozitës.
Dy ditë më parë kreu i grupit parlamentar të PD-së, Gazment Bardhi publikoi një foto, ku sipas tij është dhënë urdhër që Garda të bllokojë sallën e seancave parlamentare, duke mos lejuar demokratët që të zbatojnë skenarin e përmbysjes së karrigeve.
Discussion about this post