Arrestimi i nënës që kishte vetëm 8 ditë që kishte sjellë në jetë fëmijën e saj është bërë temë diskutimi në Kuvendin e Shqipërisë në seancën e kësaj të enjteje.
Deputeti i opozitës Edmond Spaho në seancë tha se ministri i Brendshëm Bledi Çuçi dhe ministri i Drejtësisë, Ulsi Manja nuk duhet të jenë aty, por të lirojnë nënën lehonë.
“Ky ministri që zgërdhehet nuk duhet të rrijë këtu, por të shkojë ta lirojë atë grua lehonë. Se ligji e thotë shumë qartë se një nënë që ka një fëmijë pa i mbushur akoma 1 vjeç nuk mund të arrestohet. Ministri i Brendshëm dhe ministri i Drejtësisë duhet të shkojnë dhe ta lirojnë”., tha me tone të ashpra Spaho.
Discussion about this post