Kryeministri Edi Rama ka reaguar pasi SPAK deklaroi se nuk ka asnjë çështje të hapur ndaj Ardian Dvoranit, duke thënë se nuk heq asnjë preje nga deklarata e tij.
Rama po vijon replikën në distancë me SPAK, të cilës i kërkoi sot nisjen e hetimeve për Ilir Metën dhe Sali Berishën, pasi sipas tij e gjithë Shqipëria do të donte që ti shihte ata para drejtësisë.
“Unë nuk i heq asnjë presje asaj që deklarova sot dhe nuk mjafton që SPAKU të thotë se e paska pushuar çështjen, pasi faktikisht e mori peng gjykatësin në fjalë pa asnjë arsye në botë, duke i shkuar praktikisht pas avazit Armikut NR.1 të Reformës në Drejtësi, Ilir Metës! Meqë ka marrë përsipër të sqarohet SPAKU do të duhej të sqaronte pse reagoi rrufeshëm për një kallëzim absurd për një vepër penale imagjinare të njeriut të shpallur nga DASH kampion i antikorrupsionit, ndërkohë që për kampionët e korrupsionit në drejtësi s’ka lëvizur ende gishtin!”, shkruan Rama.
Discussion about this post